የዲሞክራሲ ባህል ግንባታ ዘርፍ የሚከተሉት ተግባርና ኃላፊነት ይኖሩታል።

•  የዲሞክራሲ ባህል ግንባታ ዘርፍ ተጠሪነቱ ለቅርንጫፍ ጽ/ቤት ኃላፊ ሲሆን የሚከተሉት ተግባርና ኃላፊነት ይኖሩታል። 

•  በክልሉ የሚገኙ የሲቪል ማህበራት፣ የሙያና የብዙሃን ማህበራት፣ ፌዴሬሽኖች፣ ፎረሞች፣ ሌሎች የምሁራንና የባለሃብት አደረጃጀቶችን ያስተባብራል፣ ይከታተላል፤ ይደግፋል፣

•   የዘርፉን ስራ ያቅዳል፣ ይመራል፤ ይገመግማል፤ ሪፖርት ያደርጋል እንዲሁም በዘርፉ የተመዘገቡ ስኬቶችን በመለየትና በመቀመር የማስፋትና፣ ጉድለቶችን ደግሞ ለማረም የሚያስችሉ ስራዎችን ይሰራል፣

•   በክልሉ የሚንቀሳቀሱ የፖለቲካ ፓርቲዎች የፓርቲዎችን ሁኔታ ይከታተላል፣ ትኩረት የሚሹ ጉዳዮችን በየጊዜው በመለየት ለፖለቲካ ስራ በግብአትነት ጥቅም ላይ እንዲውል ያደርጋል፣

•   በክልል ደረጃ ከሚንቀሳቀሱ የፖለቲካ ፓርቲዎች የጋራ መድረክ ብልፅግናን ወክሎ በመከራከር፣ በመወያየት እና በመመካከር በዴሞክራሲያዊ ስርዓት ግንባታ ሂደት ውስጥ ገንቢ ሚና እንዲጫወቱ የሚያስችሉ አቅጣጫዎችን ይነድፋል፤ ተግባራዊ ያደርጋል፣ 

•  የፖለቲካ ፓርቲዎች በተግባቦት ዴሞክራሲ ለመድብለ ፓርቲ ስርዓት መዳበር አዎንታዊ ሚናቸውን እንዲወጡ የሚያግዙ አስቻይ ሁኔታዎች ለመፍጠር ይሠራል፣

•   በክልሉ የሚንቀሳቀሱ ሲቪል ማህበራት ለኢኮኖሚ ዕድገትና ብልጽግና፣ ለማህበራዊ ልማትና ፍትህ፣ ለሲቪል ባህል ግንባታ እና ለዜጋ ዲፕሎማሲ ሚናቸው እንዲያድግ ስልቶችን ይነድፋል፤ ስራ ላይ ያውላል፣

•   የህዝቡ ሁለንተናዊ የለውጥ እንቅስቃሴ ለዴሞክራሲ ስርዓት ግንባታና ለሁለንተናዊ ብልጽግና አቅም እንዲሆን ለህብረተሰቡ ቅርብ የሆኑ የሲቪል ማህበራትና አደረጃጀቶችን በመጠቀም ያስተባብራል፤ ይከታተላል ይደግፋል፣

•   ፓርቲው ከክልሉ ምርጫ ቦርድ ቅርንጫፍ ጽ/ቤት ጋር ያለውን ህጋዊና ተቋማዊ የስራ ግንኙነት ፓርቲውን በመወከል ያስተባብራል፤

•   በክልሉ የሚገኙ የብልፅግና ሴቶችና ወጣቶች ሊጎች በፓርቲያችን የአደረጃጀትና አሰራር መመሪያ መሰረት መደራጀታቸውን ያረጋግጣል፣ ድጋፍና ክትትል ያደርጋል፤

•   በሊጎች አማካኝነት በክልሉ የሚገኙ የሴቶችና የወጣት አደረጃጀቶችን በማንቀሳቀስ ተሳትፏቸውን፣ ተወዳዳሪነታቸውንና ተጠቃሚነታቸውን የሚያረጋግጡ ስራዎችን ያስተባብራል ይከታተላል፣ ይደግፋል፣

•   የፖለቲካ ፓርቲዎች፣ ሲቪል ማህበራት እና ሊጎች ሚናቸውን መወጣት የሚያስችል የአቅም ግንባታ ፕሮግራሞችን በመቅረጽና ከሚመለከታቸው አካላት ጋር በመተባበር የአቅም ግንባታ ስልጠናዎች እንዲሰጡና የውይይት መድረኮች እንዲካሄዱ ያስተባብራል፤

•   በክልሉ የሚንቀሰቀሱ የፖለቲካ ፓርቲዎችን፣ የሲቪል ማህበራን እና የሊጎችን ፕሮፋይልና መረጃ ያደራጃል፣ ዘመናዊ የመረጃ ስርዓት ይዘረጋል፣

•   በክልሉ የሚንቀሳቀሱ የፖለቲካ ፓርቲዎችን፣ የሲቪል ማህበራትን እና ሌሎች ብዙሃን አደረጃጀቶች ወቅታዊ ሁኔታ በተመለከተ መረጃ ያሰባስባል፣ ይተነትናል፤ ከሚመለከታቸው አካላት ጋር በመተባበር ተገቢው እርምጃ እንዲወሰድ ይሰራል፤

•   አደረጃጀቶች ያሉበትን ሁኔታ የሚያሳይ ድጋፍና ክትትል ስራ በመስራት ግብረ መልስ ይሰጣል፤ በተግባር ሂደት የሚገኙ ምርጥ ልምዶች በማደራጀት የሚሰፉበትን ሁኔታ ይፈጥራል፤

• ከቅርንጫፍ ፅ/ቤት ኃላፊ የሚሰጡ ሌሎች ተዛማጅ ተግባራትን ያከናውናል፣