የሀብት አስተዳደር ዘርፍ፣ 

• የሀብት አስተዳደር ዘርፍ ተጠሪነቱ ለቅርንጫፍ ፅ/ቤት ኃላፊ ሆኖ በስሩ አንድ ዳይሬክቶሬት ያለው ሲሆን የሚከተሉት ተግባራትና ሀላፊነቶች ይኖሩታል፡- 

• የዘርፉን እቅዶች በጀትና የአፈፃፀም ሪፖርቶች በየወቅቱ እንዲዘጋጁ ያደርጋል፣ በትክክል መዘጋጀታቸውን በማረጋገጥ እንዲፀድቅ ያደርጋል፣ ሲፀድቅ ለሚመለከታቸው አካላት ይልካል፣ ሥራውን ያስተባብራል፣ ይገመግማል ይመራል ሪፖርት ያደርጋል • ግብረ መልስ ይሰጣል። 

• በዘርፉ ዕቅዶችና ሪፖርቶች ላይ ከተለያዩ አካላት የሚሰጡ ግብረ መልሶች በዕቅድ ተካተው ሥራ ላይ እንዲውሉ ያደርጋል፣ ስለ ግብረ መልስ አቀባበል ለሚመለከታቸው አካላት ምላሽ ይላካል፤ 

• የቅርንጫፍ ፅ/ቤቱን የሰው ሀብት አስተዳደር ሥራዎች የቅርንጫፍ ፅ/ቤቱን መመሪያዎች ተከትለው መፈፀማቸውን ይከታተላል፣ ያረጋግጣል፣ በሚታዩ ክፍተቶች ላይ አስፈላጊውን የእርምት እርምጃ በወቅቱ እንዲወሰዱ ያደርጋል፤ ከሚመለከታቸው አካላት ጋር በመወያየት የመፍትሄ ሀሳብ ያቀርባል፤ 

• የቅርንጫፍ ፅ/ቤቱን በጀት ለታቀደለት ዓላማ ከሙስና እና ብልሹ አሰራር በፀዳ መልኩ በሥራ ላይ መዋሉን ያረጋግጣል፣ የበጀት አጠቃቀም ሪፖርት፣ የሂሳብ ትንተና የባንክ ማስታረቅ ሥራዎችና የሂሳብ መግለጫዎች በየወቅቱ መዘጋጀታቸውን ያረጋግጣል፣ 

• የፋይናንስ ህግ በአግባቡ ሥራ ላይ መዋሉን ይከታተላል፣ የንብረትና የሀብት አያያዝ ሥርዓት ይዘረጋል፣ የወጪ ቅነሳና የገቢ ማሳደጊያ ስልቶችን በመቀየስ ተግባራዊ እንዲሆን ያደርጋል፣

 • የቅርንጫፍ ፅ/ቤቱን ንብረቶች በመንግስት ህጎች መሰረት መተዳደራቸውን ያረጋግጣል፣ በየመጋዘኖችና በተለያዩ ቦታዎች ተከማችተው ያሉ ንብረቶች ተለይተው በህግ መሰረት መወገድ ያለባቸው እንዲወገዱ ያደርጋል፣ ጥቅም ላይ መዋል የሚገባቸው ጥቅም ላይ እንዲውሉ ያደርጋል። 

• የቅርንጫፍ ፅ/ቤቱን የጠቅላላ አገልግሎት ሥራዎች፣ የተሽከርካሪዎች ስምሪትና አስተዳደር፣ የነዳጅና ቅባት አጠቃቀም የመንግስት ህግና ደንብን ተከትሎ መፈፀሙን ያረጋግጣል፣ ችግሮች ሲከሰቱ እንዲፈቱ ያደርጋል። 

• በስሩ ያሉትን ዳይሬክቶሬቶች የሥራ አፈጻጸም ሪፖርት ይገመግማል፤ ድጋፍና ክትትል በማድረግ ግብረ-መልስ ይሰጣል፤ሪፖርት ያቀርባል፣ 

• ከቅርንጫፍ ፅ/ቤት ኃላፊ የሚሰጡ ሌሎች ተዛማጅ ተግባራትን ያከናውናል፣