Poletiku hajubba dirokiterete 

• Paartete hexxonni,polisenni ,istirateje kaiminni qixaabbino paartete poletiku isitratejike mixo kaima assitino qoqqowoho jeeffanno seeda,mereerima nna harancho yanna poletiku loosi mixo qixeessanno, tittirshu loosu mixo qixeesse jeefisanno.

 • Qoqqowoho deerru deerrunkunni heedhanno paartete poletiku tantanubba qoqqowu mixonni ka’e tittirshunni mixo qixeessansa buuxanno, mixote jeefonsa harunsanno,irkisanno.

• paartete prograame,isitratejike mixo, qara borro mininninna sinu borro mininni mixo kaiminni seeda, mereerimanna harancho yanna poletikunna dhuku kaajjishshi loosu mixo qixeessanno,jeefaseno harunsanno,irkisanno. 

Qoqqowu giddo heedhanno massaganonna miilla paartete ajuuja, hexxonna mixo guuntetenni jeefisa dandiitanno deerra iilishatenna poletikunna massagote guuntensa ledate paartete poletiku hedonna mixo rumuxxisiisate (indoctrination) looso harunsanno,irkisanno.

• Paartenta poletiku,miinju,dagoomitenna gobba gobbayiidi prograamma, polise,istirateejenna mixo paartete massaganonna miillara rumuxitanno gede assanno.

• Paarete lisaane qara dhuku bowirsshi qodho ikkitanno gede, paartete mereerishshinni qixaabbanno sanade qoqowoho heedhanno massaganoranna miillara iilitanno gedenna jeeffanno gede qajeelshshunna hasaawu sanadanna jeefishshu mixo qixeessanno,kaajjado riporte, harunso,irkkonna filiqqishshu harinsho dirirsatenni harunsanno,irkisanno.

• Massaganotenna miillate poletikunna jeefisate dhuka bowirsate kaa’litanno hedotenna assootu mittimma kalaqate dandiisiisannonna qoqqowu ikkito hedote giddo worino yannicho poletiku sanade qixeessatenni massaganotenna miillate dhuku kaajjishshira horote iima hosansa harunsanno,irkisanno.

• Yanna baala ikkitote kaiminni daga baqqi assanna millimmo kalaqate dandiisiisawo sanadda qixeessanno,dagate amaalenna millimillote battalubba qixaawansa buuxanno, assoota lainohunni harunsonna irkko assanno. 

• Paartete prograame  manfestote,paaretete aliidi bissanni sa’anno gobbate gidoyiidini poletiku,dagoomitte hajubba,dimokiraasetenna poletiku budi amanyooti bowirshsha,keerunna hobbantete hajubba,w.k.l ragubba garunni poletiku qinoo garinni jeefase harunsanno, irkisanno.

• Hajo la’nno bissa ledo gutunni loosatenni yannicha ikkino qoqqowu poletiku ikkitubba lixxino taje aana uuriote ikkito keenatenni tittirshshu looso loosatenni a fi’nonni guma  handaaru sooreessira  shiqishanno.

• Babbaxiino hayyo horonsiratenni yanna baala yanna agarre dagate hedo ganba assatenni tittira,aanino poletiku miinji ikkituba bikkiro yaanno himana leelishatenni,hajo la’nno bissara woy filiqishshu iillanno assa w’k’l loossa ragunni jeefansa harunsanno, irkisanno.

• Qara qara yaamantanno poletiku miinji ajanduwa,ajandu annuwa wolqqa  diri raga(dasso) badatenni paartete aliidimma amadate dandisiisawo loossa mixire jeefishsha harunsanno, irkisanno.

• Paartete massago,daga gashshanna gobba massagateuurinshanna paartete dagate adhamooshsh (legitimacy) noo deerra buuxate hajo la’nno handaarra ledo halamatenni dagate hedo xinxallo (public opinion survey) assa harunsanno, irkisanno.

• Yanna baala borreessantanno qeellenna injo bandanna biifise qineessa,balaxxino eltonna injo agarisiisatenninna kaajjishatenni balaxino xaggete fooliishsho giddo qeelleno qeelamano noo gede afatenni dancha sufisatenna lossatenni busha woyeessanna lexxannokki assate dandiisiisawo paartenke qoqqowu poletiku masalonni aliidimma amaddanno gede loosanno

 • Dagoomu qoosso halanyu qoosso ledo kawa ka’a taashshe agrate kaa’litanno ,rodiimmanna sirnyubba bowirssate,dagoomite xaaddonke kaajjishshanno qara qara gobboomu hajubba iimasumumme kalaqate kaa’litanno kaajjadopoletiku dagooma bowirssate dandiisiisawo hattonni baalunku qansootira injiitanno baalanka itiyoophiyu daga hanqafewonna taalo horaameessimma buuxisiissino jiraameette kaajjadonna federaalitte,dimokiraasitte itiyophiya bowirssate dandisiisawo poletiku loossa qoqqowoho garunni loosamanno gede harunsanno, irkisanno.

• Yannite Batalubbate leelltanno ikkitubba ledo fiixontanno yannitenna gutu la’o kalaqate kaa’litanno sokkanna ajanduwa qixeessatenni massaganonna miilla wo’milancho xawadimma heedhannonsa gede assanno. 

• Qoqqowu giddo heedhanno rosu uurinsha keerinsa agarameenna ikkado qansicha kalaqate dandiitanno ikkitubba kaajishate hattonni uurinshubbate harinsanni poletiku loossa gumaamo ikkawo gede harunsanno,irkisanno.

• Rosu uurinsha giddo heedhanno afaleeyye gobbate ijarssara amandoonni hexxo qinoorauminsa qeechcha fultanno gede hedonna dancha ikkito kalaqantanno gede harunsonna irkko assanno.

• Safote uurinshanna hiwaase hasiisanno ajandubba iima paartetenna miillate sirinya ledanno garinni hasaabbanonna gumaamo ikkitawo gede dandiisiisawo irkotenna harunsote loosi loosamasi harunsanno,irkisanno.

• Harinsanni gobboomunna qooxeessu doorshshubba qeelletenni fulate dandiisiisawo mixonna dhuku kaajjilli pirograame qixeessatenninna hajo la’nno bissa ledo loosu iima hosase harunsanno,irkisanno.

• Qoqqowoho loonsanni Paartete poletiku loossa mixo jeefo worroonni yanna  nna safaranchi  garinni keenanni jeefishshu ripoorte shiqishanno, eeliidi uurinsha yannite jeefo harunsonna keeno assansanna riporte shiqishansa buuxanno

• Handaaraho loosu millimillora hasiisanno finance,uduunichu hatono mannu wolqqa halashshatenninna isilanchimmatenni (dandootenna egennote) wo’mase harunsanno,irkisanno.

• Handaaraho gaamante loossanno ogeeyye nna loosasinete jeefishshu keeno worroonni yannanni nna safaranchi garinni harase hattonni loosasine loosoho hasiisanno deerrinni dhukinsa bowiranno gede irkotenna harunsote looso loosanno.

 • worosiinni loossanno ogeeyye massaganno,qineessanno 

• loosu ripoorte handaaraho shiqishanno.

• Handaaru sooressinni uyinanni wole xaaddanno loossa loosanno.