Poletikunna dhuku kaajjishshi handaara

Poletikunna dhuku kaajjishshi woshamanchimmsi sinu borro minira ikkanna aantino loossanna yawo heedhanonsa.

• Paartete prograame,istiratejikete mixo,qara borro mininna sinu borro mini mixo kaiminni seeda,mereerimanna harancho yanna poletikunna dhuku kaajjishshi loosi mixo qixeessanno, loosu iima hosaseno buuxanno.

• Qoqqowu giddo heedhanno massaganonna miilla paartete ajuuja, hexxonna mixo guuntetenni jeefisa dandiitanno deerra iilishatenna poletikunna massagote guuntensa ledate paartete poletiku hedonna mixo rumuxxisiisate looso loosanno,qineessanono.

• Paartenta poletiku,miinju,dagoomitenna gobba gobbayidi prograamma,polise,istirateejenna mixo paartete massaganonna miillara rumuxitanno gede assanno.

• Paarete lisaane qara dhuku bowirsshi qodho ikkitanno gede, paartete mereerishshinni qixaabbanno sanade qoqowoho heedhanno massaganoranna miillara iilitanno gedenna jeeffanno gede qajeelshunna hasaawu sanadanna jeefishshu mixo qixeessanno,kaajjado riporte, harunso,irkkonna filiqqishshu harinsho dirirsatenni harunsanno,massaganno.

• Massaganotenna miillate poletikunna jeefisate dhuka bowirsate kaa’litanno hedotenna assootu mittimma kalaqate  dandisiisannonna qoqqowu ikkito hedote giddo worino yannicho poletiku sanade qixeessatenni massaganotenna miillate dhuku kaajjishshira horote iima hosansa buuxanno.

• Yanna baala ikkitote kaiminni daga baqqi assanna millimmo kalaqate dandisiisawo sanadda qixeessanno,dagate amaalenna millimillote battalubba qixaawansa buuxanno, assoota lainohunni harunsonna irkko assanno.

• Paartete prograame, manfestote,paaretete aliidi bissanni sa’anno gobbate gidoyidini poletiku,dagoomitte hajubba,dimokiraasetenna poletiku budi amanyooti bowirshsha,keerunna hobbantete hajubba,w.k.l ragubba garunni poletiku qinoo garinni jeefase harunsanno.

•  Hajo la’nno bissa ledo gutunni loosatenni yannicha ikkino qoqqowu poletiku ikkitubba lixxino taje aana uuritewo ikkito keenatenni tittirshshu looso loosatenni afi’nonni guma albiidi loosu bissara shiqishanno.

• Babbaxiino hayyo horonsiratenni yanna baala yanna agarre dagate hedo ganba assatenni tittira,aanino poletiku miinji ikkituba bikkiro yaanno himana leelishatenni,hajo la’nno bissara woy filiqishshu iillanno assa w’k’l loossa ragunni jeefansa buuxanno.

• Qara qara yaamantanno poletiku miinji ajanduwa,ajandu annuwa wolqqa  diri raga(dasso) badatenni paartete aliidimma amadate dandisiisawo loossa mixire jeefishsha qineessanno.

• Paartete massago,daga gashshanna gobba massagateuurinshanna paartete dagate adhamooshsh (legitimacy) noo deerra buuxate hajo la’nno handaarra ledo halamatenni dagate hedo xinxallo (public opinion survey) assa buuxanno.

• Yanna baala borreessantanno qeellenna injo badanna biifise qineessa,balaxxino eltonna injo agarisiisatenninna kaajjishatenni balaxino xaggete fooliishsho giddo qeelleno qeelamano noo gede afatenni dancha sufisatenna lossatenni busha woyeessanna lexxannokki assate dandiisiisawo paartenke qoqqowu poletiku masalonni aliidimma amaddanno gede loosanno.

• Dagoomu qoosso halanyu qoosso ledo kawa ka’a taashshe agrate kaa’litanno, rodiimmanna sirnyubba bowirssate,dagoomite xaaddonke kaajjishshanno qara qara gobboomu hajubba iimasumumme kalaqate kaa’litanno kaajjado poletiku dagooma bowirssate dandisiisawo hattonni baalunku qansootira injiitanno baalanka itiyoophiyu  daga hanqafewonna taalo horaameessimma buuxisiissino jiraameette kaajjadonna federaalitte,dimokiraasitte itiyophiya bowirssate dandisiisawo poletiku loossa qoqqowoho garunni loosamanno gede massaganno,qineessanno.

• yannite Batalubbate leelltanno ikkitubba ledo fiixontanno yannitenna gutu la’o kalaqate kaa’litanno sokkanna ajanduwa qixeessatenni massaganonna miilla wo’milancho xawadimma heedhannonsa gede assanno.  

• Qoqqowu giddo heedhanno rosu uurinsha keerinsa agarameenna ikkado qansicha kalaqate dandiitanno ikkitubba kaajishate hattonni uurinshubbate harinsanni poletiku loossa gumaamo ikkawo gede aliidimmatenni massaganno,suwisanno ,qineessanno

• Rosu uurinsha giddo heedhanno afaleeyye gobbate ijarssara amandoonni hexxo qinoorauminsa qeechcha fultanno gede hedonna dancha ikkito kalaqantanno gede harunsonna irkko assanno.

• Safote uurinshanna hiwaase hasiisanno ajandubba iima paartetenna miillate sirinya ledanno garinni hasaabbanonna gumaamo ikkitawo gede dandiisiisawo irkotenna harunsote loosi loosamasi buuxanno.

Harinsanni gobboomunna qooxeessu doorshshubba qeelletenni fulate dandiisiisawo mixonna dhuku kaajjilli pirograame qixeessatenninna hajo la’nno bissa ledo loosu iima hosase buuxanno.

• Qajeelshu hasatto xiinxallatenni massaganotenna miillate qajeelshu hasatto badanno, hajo la’nno bisara tantane shiqishanno.

• Hasattonsa kaima assatenni qoqqowu massaganoranna miillara gumaamo qajeelsha uyiinanni gede qineessanno.

• Qoqqowu massaganora uyiini qajeelshi gumaamimmara keenonna xinxallo assatenni afi’nonire tantane shiqishatenni hajo la’nno bissara ripoorte assanno. Xinxallotenni afi’nonire aanino qajeelshira irkote/injote/ gede horonsiranno

• Qoqqowu deerrinni noo paartete qajeelshu mereerisha aliidimmatenni harunsanno,irkisanno.

• Paartete poletiku loossa mixo jeefo worroonni yanna nna safaranchi  garinni keenanni jeefishshu ripoorte shiqishanno, eeliidi uurinsha yannite jeefo harunsonna keeno assansanna riporte shiqishansa buuxanno.

• Handaaraho loosu millimillora hasiisanno finance,uduunichu hatono mannu wolqqa halashshatenninna isilanchimmatenni (dandootenna egennote) wo’mase buuxa. 

• Handaaraho gaamante loossanno ogeeyye nna loosasinete jeefishshu keeno worroonni yannanni nna safaranchi garinni harase hattonni loosasine loosoho hasiisanno deerrinni dhukinsa bowira buuxanno.

•  Qoqqowu giddo afantanno paartetete aliidi massagaano (mootimmate loosu yawo iima nooreno lendeenna) poletiku hajo qooxeessira amaalanno,irkisanno.

• Sinu borro mini sooreessinni uyinanni wole xaaddanno loossa loosanno.